“خوشبو لگا کر”

#ہر شاخ ہے الو بیٹھا ہے

پاکستان کے اداروں میں ایسے ایسے گوہر نایاب الو پائے جاتے ہیں جنہیں یہ بھی نہی معلوم کہ “ایم کیو ایم لندن” نام کی کوئ پارٹی ہے ہی نہی تو سپریم کورٹ میں ریفرنس کس کے خلاف ہوگا اور سپریم کورٹ ان نایاب آلوؤں کے خواب و خیالوں میں تشکیل کردہ “ایم کیو ایم لندن” نامی پارٹی پر پابندی کیوں کر لگا پائے گی۔۔۔۔اگر سپریم کورٹ اس نایاب پرندے سے محفوظ ہے تو یقین جانئے متوقع ریفرنس پہلے ہی دن خارج ہو جائیگا ورنہ ایک اور جگہ ھنسائ اور  بچکانہ مضحکہ خیزی سامنے آنے کا امکان ہوگا۔

دنیا جانتی ہے ایم کیو ایم پاکستان  نام کی ایک ہی پارٹی ہے جس کے بانی و قائد الطاف حسین ہیں اور پابندی کا ریفرنس قانونا” صرف اس پارٹی کیلئے ہی بھیجا جا سکتا ہے،اب جسے شوق ہے وہ ایم کیو ایم پاکستان پر پابندی کا ریفرنس داخل کر کے شوق پورا کرلے،رہ گئ بات بانی و قائد جناب الطاف حسین کی  تو وہ پہلے ہی گردن زدنی ٹھہرا کر ہر طرح سے پاکستان میں غیر انسانی و غیر آئینی پابندیوں کا شکار ہیں اور مزید کیا پابندیاں ہونگی۔

ہاں ایک ہمالیہ پہاڑ جیسا مرحلہ ان نایاب پرندوں کو ہمیشہ درپیش رہے گا کہ خوشبو لگا کر “خوشبو “کو بوتل میں کیسے بند کیا جائے یا سمندر کو کوزے میں کیسے بند کریں۔

یہ نایاب پرندے رات کی تاریکی میں کسی اجاڑ درخت کی سوکھی ٹہنی پر بیٹھے کھلی آنکھ سے یہ  خواب دیکھتے رہ جائینگے اور نظریہ الطاف کی خوشبو کا سمندر دیکھتی آنکھوں سنتے کانوں کے ساتھ ہر الیکشن،ہر سیلیکشن،ہر ظلم ہر ستم اڑا لے جائیگا۔

ابھی تو کھیل جاری ہے_ابھی انجام باقی ہے#
اقی ہے⁦✌️⁩
(سہیل یوسف زئ)

آج کی بات

میرے پیارے بھائ بصد احترام،

نظریہ اور فکری اساس دینے  کے فوری بعد قائد محترم الطاف حسین نے شہید انقلاب عمران فاروق بھائ کو نظم و ضبط کے حوالے سے لکھنے کو کہا۔۔۔۔کیونکہ قائد کی دوربین نگاہی اور تاریخی انقلابی تحریکوں سے بھرپور علمی آگاہی کی بنا پر وہ اس نتیجے پر پہنچ گئے تھے کہ کئ برسوں پر مشتمل یہ طویل اور کٹھن ترین تحریکی جدوجہد اس وقت تک اٹوٹ کامیابی نہی حاصل کر سکتی کہ جب تک اس میں شامل ایک ایک فرد کو نظم و ضبط کے دائرے میں نا لایا جائے۔

عمران فاروق شہید کے تحریر کردہ نظم و ضبط کے   چار بنیادی اصول کچھ یوں ہیں

۱-زاتی آنا کو فنا کرنا

۲-اجتماعیت کا تصور

۳-قائد پر اندھا اعتماد

۴-تحریک کی فکری اساس سے مکمل واقفیت اور گہری وابستگی
اب آپ یہ دیکھئے کہ قائد تحریک الطاف حسین کی دوربین نگاہی کس قدر شاندار تھی کہ تین سے زائد دہائیوں کے  بعد کا منظر وہ اپنی خدادا صلاحیت کی بنیاد پر دیکھ پائے اور آج تمام تر ہتھکنڈوں ،یہ دھڑا وہ دھڑا،تعلقی لاتعلقی,کمالو بی جمالو یا بھرپور میڈیائ زہریلے پروپیگنڈہ کے باوجود الطاف حسن یعنی خالق نظریہ کو قوم اور کارکنوں سے جدا نہی کیا جا سکا۔۔۔۔۔یقین جانئے یہ اسی نظم و ضبط کا ہی کمال ہے کہ آپ میں اور تمام ساتھی تحریک کی بنیادی اساس یعنی اسکے نظرئے اور خالق نظرئے سے اپنے آپ کو جدا نہی کر پائے اور  اسی نظم و ضبط کے سبق پڑھانے والے بہت سے اعلی ترین راہنما بھی ہمارے ذہنوں میں سمائے نظم و ضبط کو نہی نکال پائے اور نا نکال پائینگے-

لہاظہ یہ تو طے ہے کہ نظریہ و فکری اساس کا نظم و ضبط سے گہرا واسطہ ہے۔

اب اگر چند عاقبت نااندیش گمراہ لوگ کسی خوش فہمی کا شکار ہو جائیں تو اس میں نظم و ضبط ط کا کیا قصور۔۔۔۔دیکھنا یہ ہے کہ اکثریت کیا سوچتی ہے اور کیا کہتی ہے۔۔۔۔اور وہ 

جن اور آپ دیکھتی آنکھوں سے دیکھ بھی رہے ہیں اور سنتے کانوں سے سن بھی رہے ہیں۔

یہ ایک بہت طویل گفتگو والا موضوع ہے لہاظہ میں نے بہت اختصار سے کام لیا ہے۔۔۔۔اس کے باوجود  اختلاف رائے کا حق قارئین کو حاصل ہے💖

#زندہ رہے نظریہ_زندہ رہے الطاف⁦🇧🇬⁩⁦🇧🇬⁩⁦🇧🇬⁩⁦🇧🇬⁩⁦🇧🇬⁩⁦🇧🇬⁩⁦🇧🇬⁩⁦⁦✌️⁩

(سہیل یوسف زئ)

آج کی بات

نمرہ آپکی ساری باتیں درست اور احمد اشفاق کا تو میں  خود بھی پرستار ہوں لیکن تحریریں ہوتی ہی اس لئے ہیں کہ ان پر سیر حاصل گفتگو کے بعد  بہترین ۔تائج اخذ کر لئے جائیں۔۔۔۔کسی کو اونچا یا نیچا دکھانا ہرگز مقصد نہی ہوتا۔۔۔۔تنقید اور اختلاف کا حق سب کو یکساں ہے البتہ یہ سب اخلاق اور تحزیب کے دائرے میں ہونا چاہئے۔۔۔۔

میں صرف ایک بات کی نشاندھی لازمی سمجھتا ہوں اور وہ یہ کہ اگر جیل میں ساتھیوں کو کسی نے نہی پوچھا تو اسکی زمہداری بھی مکمل طور پر کمال اینڈ کمپنی پر ہی عائد ہوتی ہے کیونکہ وہ تقریبا دس سال تو بلا شرکت غیرے سیاہ و سپید کے مالک تھے جس سے انکار نہی کیا جا سکتا۔۔۔۔۔اب اگر آج یہ لوگ ساتھیوں کو بلیک میل کر کے رہا کروا رہے ہیں اور اپنے ساتھ ملا رہے ہیں تو پھر یہ سمجھنا حق بجانب ہوگا کہ ایک منصوبہ بندی کے تحت انہوں نے اس وقت کچھ نا کیا اور اس وقت کا انتظار کیا کہ اب اپنے آپ کو جلا بخشنے کیلئے ساتھیوں کی مجبوریوں سے فایدہ اٹھائیں اور مہاجر عوام کی ہمدردیاں۔۔۔۔۔۔

لیکن میرا اور آپکا خدا سب کچھ معاف کردیگا لیکن کسی بھی انسان کے ھاتھوں آپ ے جیسے انسان کے ساتھ کی گئ ظلم و زیادتی کو کسی صورت معاف نہی کریگا۔۔۔۔۔چہ جائیکہ وہ انسان خود اسے معاف کر دے۔۔۔۔۔

میرا تو ایمان ہے پی ایس پی ہو یا پی آئ بی مجبور اور بلیک میل کر کے گھسیٹے گئے کارکن آج بھی الطاف حسین کا ہی سرمایہ ہیں ان سب کے دلوں میں ان کا قائد ہی دھڑک رہا ہے۔۔۔۔ہاں وہ چند افراد کا ٹولہ ضرور مکافات عمل کا شکار ہوگا جس نے اپنا  ظرف و ضمیر جانتے بوجھتے ہنسی و راضی خوشی اپنی ذاتی اناؤں کی خاطر بیچا ہے۔

 بائیس ہزار شہدا ہی  سچے تھے ہیں اور رہینگے اور چند مفاد پرست اپنی اناؤں کے اسیر ایک ہزار فیصد غلط تھے ہیں اور رہینگے۔۔۔۔

احمد اشفاق بھائ کو کل بھی کہا آج بھی کہ رہا ہوں کہ تاریخ کے دبیز پردے میں بہت سے حقائق صرف وقت پر ہی کھلینگے اس کا انتظار تو کرنا پڑے گا

بس اپنا قلم تلوار بحیثیت مجموعی مہاجر قوم کے اجتماعی مفاد میں چلاتے رہیں اور قائد و اس کے نظرئے سے جزبہ ایمانی کے ساتھ جڑے رہیں۔۔۔۔اگر مگر  چونکہ چناچہ ایسا ہوتا ایسا ہوتا سے ہم بہت آگے جا چکے ہیں۔۔۔۔

اس سے آگے قلم کی روشنائی خشک ہے

#خوش رہیں آباد رہیں ہمیشہ

#زندہ رہے نظریہ_زندہ رہے الطاف

(سہیل یوسف زئ)

آج کی بات

#زندہ رہے نظریہ_زندہ رہے الطاف
ماؤں کا عالمی دن💖

#تین سو پینسٹھ دن ماں کے
جو آپ نے لکھا وہ سو فیصد درست ہے لیکن جو ماؤں کا عالمی دن مناتے ہی  وہ بھی غلط نہی،کیونکہ ماؤں کا عالمی دن منا کر وہ پوری دنیا کو متوجہ کرتے ہیں کہ ماں کسی بھی گھر میں کتنی اہم ہے۔۔۔۔یہ دن منا کر وہ ہرگز یہ پیغام نہی دے رہے کہ بس آج کے دن ماں کو یاد رکھو اس کے  بعد نہی۔۔۔۔۔اس کا مقصد ہی یہ ہے کہ آج کے دن  باور کرا دیا جائے کہ ماں کتنی عظیم ہستی ہے اور اسے سال کے تین سو پینسٹھ دن اتنا ہی اہم رکھنا ہے کہ جتنا آج😘

#دنیا کی سب سے عظیم ترین ماں بی بی آمنہ کو سلام

#خورشید بیگم سمیت دنیا کی تمام ماؤں کو سلام

(سہیل یوسف زئ)

کانٹوں کی نوک پر شبنم کا رقص جاری ہے

💔کانٹوں کی نوک پر شبنم کا  رقص جاری ہے💔
پاکستان کے مقتدر اداروں کی ھٹ دھرمی اور ”ہم سہی سب غلط“ کی فاشسٹ زہنیت نے آخر کار پاکستان کی تخلیق کار و سالمیت کی ضمانت مہاجر قوم کو دیوار سے لگا ہی دیا ہے

ابھی جب میں نے سوشل میڈیا پر ”مہاجر لبریشن موومنٹ“ نامی تنظیم کی کراچی کی شاہراہوں پر چاکنگ کی تصاویر دیکھیں اور سوشل میڈیا پر اس تنظیم کے ”آزادی“ کے نعروں سے پر پوسٹرز دیکھے تو یقین جانئیے مجھے کوئ حیرت نہی ہوئ۔

اگر ہم اردو بولنے والے مہاجر جنہیں بانیانِ پاکستان یا ان کی اولادوں کے نام سے بھی جانا پہچانا جاتا ہے کی تاریخ میں جائیں تو ہمیں یہ جاننے میں بلکل دیر نہی لگے گی کہ یہ مہاجر طبقہ جو پاکستان کا تخلیق کار بھی ہے ستر ٧٠ کی دھائ کے اختتام تک اپنے آپ کو ایک پاکستانی کے طور پر ہی متعارف کراتا رہا،یا یوں سمجھ لیجئے کہ پاکستان کے قیام کے اول دن سے یہی واحد طبقہ تھا جو اپنے آپ کو پاکستانی نا صرف سمجھتا رہا بلکہ پاکستان اور اس سے وابستہ ہر شے سے والہانہ لگاٶ و عشق کرتا رہا ہے،ان کے اس یکطرفہ عشق میں افواج پاکستان سمیت تمام مقتدر ادارے سرِ فہرست رہے،یہ وہ تاریخی حقیقت ہے جسے جھٹلانا دن اور رات کے ہونے کو جھٹلانے کے مترادف ہوگا۔

ہاں یہ یاد رہے کہ مہاجر قومییت اپنانے والے وارثانِ پاکستان اول دن سے نہی تو کم از کم لیاقت علی خان کی شہادت کے بعد سے تو اس حقیقت سے آشنا ہو چکے تھے کہ ان کے ساتھ ”دو قومی نظرئے“ کی آڑ میں ھاتھ ہو گیا ہے،اب چونکہ عشقِ پاکستان ورثے میں ملا تھا لہاظہ معشوق کا ہر ظلم ہر زیادتی پھول بن کر سہتے رہے اور شبنم کے قطروں کی مانند  کانٹوں کی نوک پر رقص کرتے رہے۔

استاد قمر جلالوی سائیکل کے پنکچر بناتے بناتے کہہ گئے،
چمن کو جب بھی لہو کی ضرورت پڑی 

سب سے پہلے ہی گردن ہماری کٹی

پھر بھی کہتے ہیں مجھ سے اہلِ چمن

یہ چمن ہے ہمارا تمہارا نہی!
قدم قدم پر طنز و طعن کے نشتر ،اٹھتے بیٹھتے بے سروپا غلیظ القابات نے تخلیق کارانِ پاکستان یعنی اردو بولنے والے مہاجروں کا ہر جگہ ہر لمحے تعاقب کیا،لیکن مجال ہے ان عشاقوں کے ماتھے پے کبھی کوئ بل آیا یا عشق میں کوئ کمی۔

لٹتے پٹتے رہے،گالیاں سنتے رہے،خون بہاتے رہے،قربانیاں دیتے رہے اس امیدِ بیہم کے ساتھ کہ شائد آنے والے دن میرا عشق تسلیم ہو جائے،لیکن قربانیوں کی نا ختم ہونے والی سیاہ رات کسی سویرے کو جنم دینے سے قاصر رہی۔

ادھر سارا پاکستان سندھی،بلوچی،پنجابی،پختون،گلگتی،بلتستانی،سرائیکی،قومیتوں میں بنٹاں فخریہ پیشکش کے ساتھ نئ مملکتِ پاکستان  کو بھرپور طور پر  لوٹ رہا تھا اور خالقِ پاکستان تماشہ بنا کر رکھ دئے گئے تھے۔

گو کہ یہ بہت طویل داستان ہے اور اس پر کتابیں کی کتابیں لکھی جا سکتی ہیں لہاظہ میں نے یہ مختصر تمہید اس لئے باندھی ہے کہ قارئین کو یہ سمجھ آ جائے کہ ستر کی دھائ کے اختتام تک مہاجر سب کچھ سمجھ جانے کے باوجود اپنے معشوق سے عشق نبھاتا رہا ۔

سائینس کا اصول ہے کہ ”ہر عمل کا ایک ردِ عمل“ لازمی ہوتا ہے یعنی،

“There is an equall and opposite reaction to every action”

اسی سائینسی اصول کی بنیاد پر بانی و قائید الطاف حسین کی  ”آل پاکستان مہاجر اسٹوڈینٹس آرگنائیزیشن“  اور پھر اس طلبہ تنظیم کے بطن سے ”مہاجر قومی موومنٹ“ اور پھر ”متحدہ قومی موومنٹ“ نے جنم لیا-

ابھی کل ہی ایک ٹی وی ٹاک شو میں ایک حق گو پنجابی صحافی کو جب میں نے یہ دلیل دیتے سنا کہ پاکستان میں مہاجر سب سے آخر میں قوم پرست بنا اس سے قبل سارا پاکستان پہلے دن سے قومیتوں میں بنٹا ہوا تھا اور آج بھی ہے تو مجھے اپنے اوپر بیان کردہ حقائق تصدیق شدہ نظر آئے۔

مزکورہ پنجابی صحافی کے علاوہ بھی چند اور پنجابی صحافی اس سے ملتی جلتی گفتگو کرتے نظر آئینگے لیکن ان کی آواز نقار خانے میں طوطی کی آواز ہے۔

ایسا محسوس ہوتا ہے پانی سر سے اوپر ہو چکا ہے اور پاکستان پر قابض فرعونی زہنییت اشرافیہ ١٩٧١ کی تاریخ دھرانے کا تحیہ کر چکی ہے،اس اشرافیہ کا کراچی بالخصوص مہاجروں کے حوالے سے اٹھایا جانے والا ہر اقدام، ہر رویہ چیخ چیخ کر خالقانِ پاکستان کو کہ رہا ہے کہ
اب نزع کا عالم ہے مجھ پر

تم اپنی محبت واپس لو

جب کشتی ڈوبنے لگتی ہے

تو بوجھ اتارا کرتے ہیں!
کراچی کے گلی محلوں میں ”مہاجر لبریشن موومنٹ“ اور ”آزادی“ کے ابھی زرا دبے دبے قدم اس بات کے غماز نظر آتے ہیں کہ گویا مہاجر قوم بحیثیتِ مجموعی اب معشوق کی مار کھا کھا کر  عشق سے باہر نکلتی محسوس ہو رہی ہے اور بقول قمر جلالوی
بات ہوتی گلوں تک تو سہہ لیتے ہم

اب تو کانٹوں پر بھی حق ہمارا نہی

                         یا

بقول ایک اور شاعر کے،
میں نے خاکِ نشیمن کو بوسہ دیا

اور دل کو یہ کہہ کر سمجھا لیا

آشیانہ بنانا میرا کام تھا

کوئ بجلی گرائے تو میں کیا کروں!
قارئینِ گرامی مملکتِ پاکستان اس وقت بے لگام اشرافیہ کے ھاتھوں نزع کے عالم میں پنہچا دی گئ ہے اور ہر گزرتا دن و لمحہ خاکم بدہن اس کی طبعی عمر کے اختتام کی اندوہناک خبر سنا رہا ہے،

میں نے  کل ہی سابق آرمی چیف  پرویز مشرف کو یہ کہتے سنا کہ ”سندھ کے شہری علاقوں میں الطاف حسین کا وجود ایک حقیقت ہے اور جو اس سے انکاری ہے وہ بے وقوف اور شتر مرغ ہے“ 

لیکن انہی پرویز مشرف کا وہ تاریخی اور زو معنی جملہ قوم کو یاد رکھنا چاہئے کہ جب اقتدار چھوڑتے وقت انہوں نے قوم سے خطاب کرتے ہوئے کہا تھا،

کہ ”پاکستان کا اللہ ہی حافظ“ 

لیکن میں عشق کا مارا پھر کہے جاتا ہوں کہ،

”بانیانِ پاکستان کا پاکستان زندہ باد“

(سہیل یوسف زئ)